|
In Armenianհայ
|
Adopt a Project
Donors
Applicants
Մամլո հաղորդագրություններ
Հայտարարություններ
Լուրերի արխիվ
Ակնարկ
Տեսանյութեր

Search News

Որոնում
Ամիս
Տարի
ՆՈՐՈՒԹՅՈՒՆՆԵՐ Մամլո հաղորդագրություններ Ֆրանսահայ բժիշկների միության աջակցությունը Լոռու մարզին
2008-09-01
Ֆրանսահայ բժիշկների միության աջակցությունը Լոռու մարզին
Օրերս ՙՀայաստան՚ համահայկական հիմնադրամի Ֆրանսիայի տեղական մարմնի նախաձեռնությամբ Հայաստան այցելած ՙՖրանսահայ բժշկական միության՚ անդամները բարեգործական ծրագիր իրականացրեցին Լոռու մարզի 7 գյուղական համ
Օրերս ՙՀայաստան՚ համահայկական հիմնադրամի Ֆրանսիայի տեղական մարմնի նախաձեռնությամբ Հայաստան այցելած ՙՖրանսահայ բժշկական միության՚ անդամները բարեգործական ծրագիր իրականացրեցին Լոռու մարզի 7 գյուղական համայնքներում:
Ծրագրի շրջանակներում աչքի հետազոտության ենթարկվեցին ավելի քան 400 երեխաներ եւ մեծահասակներ: Նախապես ծրագրվում էր միայն դպրոցահասակ երեխաների հետազոտում, այնուհանդերձ հետազոտվեցին նաեւ նախադպրոցական տարիքի երեխաներ եւ բազմաթիվ մեծահասակներ: Մեծավան համայնքի բուժկետում հետազոտվեցին նաեւ Ձյունաշող եւ Պաղաղբյուր գյուղերի բնակիչները, իսկ Ձորամուտի դպրոցում բժշկական ծառայություն մատուցվեց նաեւ Գոգավանի, Արծնիի եւ Ապավենի բնակիչներին: Գյուղական համայնքներում բժշկական ընդունելությունները կազմակերպվել էին Հիմնադրամի աշխատակիցների կողմից:

Գարնանը ֆրանսահայ բժիշկներն այցելել էին նշված յոթ գյուղերը` բուժակներին վերապատրաստելու եւ տեսողության խնդիրներ ունեցող երեխաներին ցուցակագրելու համար: Այս անգամ նրանք վերադարձել էին իրենց հետ բերելով բոլոր անհրաժեշտ ժամանակակից սարքավորումները, ինչպես նաեւ ակնոցներ, որոնք ըստ անհրաժեշտության, անվճար տրամադրվեցին գյուղացիներին:


ՙՖրանսահայ բժշկական միությունը՚ միավորում է Ֆրանսիայում բնակվող, առողջապահության ոլորտի ամենատարբեր մասնագետների` վիրաբույժների, ակնաբույժների, ատամնաբույժների, անասնաբույժերի եւ դեղագործների: Միությունը ստեղծվել է 1975 թ.-ին Փարիզում: 88-ի ավերիչ երկրաշարժի օրերից ի վեր ՙՖրանսահայ բժշկական միությունն՚ անընդմեջ բարեգործական ծրագրեր է իրականացնում Հայաստանում եւ Արցախում: Դրանց թվին են պատկանում արդեն հինգերորդ տարին Հայաստանում իրականացվող ակնաբուժական բարեգործական ծրագրերը:
ՙՀայաստան՚ համահայկական հիմնադրամի գործադիր տնօրենի պաշտոնակատար Արա Վարդանյանի կարծիքով, ՙ Հիմնադրամը միշտ պատրաստ է ցանկացած բարեգործական ծրագրի բերել իր աջակցությունը: Հիմնադրամը նմանատիպ ծրագրերի շնորհիվ նպաստում է մեր փոքր համայնքների եւ աշխարհի ամենատարբեր անկյուններում գործող հայկական կառույցների միջեւ ամուր կապերի հաստատմանը՚:
Նկարներ
  

Այլ Նորություններ

2017-09-15
Խաղի միջոցով ուսման վարձավճար հաղթելու աննախադեպ միջոց՝ #CampՏեղ

2017-09-11
Սոսում նոր դպրոց և մարզադահլիճ բացվեցին

2017-09-05
Խաչարձանում ևս մեկ ընտանիք ջերմոց ստացավ

2017-09-04
Գրենական պիտույքներ՝ Խաչարձանի երեխաներին

2017-09-01
Վարդենիս-Մարտակերտ ճանապարհը պաշտոնապես բացվեց

2017-08-29
Եղիցի տուն․ ևս մեկ տանիք՝ ևս մեկ ընտանիքի

2017-08-28
Գյումրիի դոմիկներում ապրող 30-րդ ընտանիքը տուն ստացավ

2017-08-16
Հիմնադրամի առաջին խոշոր ծրագրերից «Զանգեզուրը» 25 տարեկան է

2017-08-15
Նվերներ իշխանասարցի երեխաներին՝ բրիտանահայերի կողմից

2017-08-14
Գրենական պիտույքներ՝ Հարժիսի երեխաներին

մշակված է