|
In Armenianհայ
|
Adopt a Project
Donors
Applicants
Մամլո հաղորդագրություններ
Հայտարարություններ
Լուրերի արխիվ
Ակնարկ
Տեսանյութեր

Search News

Որոնում
Ամիս
Տարի
ՆՈՐՈՒԹՅՈՒՆՆԵՐ Մամլո հաղորդագրություններ Արևե մանուկների աշխարհում
2017-07-03
Արևե մանուկների աշխարհում
Դաունի համախտանիշն ունեցող մարդկանց «արևային» են անվանում՝ դեմքը մշտապես լուսավորող ժպիտի շնորհիվ: Նրանց արևայնության մեջ համոզվում ես, երբ լուսանկարչական ապարատին նայելով՝ լայն ժպտում են և ծիծաղում: Ըստ վիճակագրության՝ աշխարհում ծնված ամեն 700-րդ մանուկը ծնվում է Դաունի համախտանիշով: Համախտանիշը ոչ մեկի մեղքը չէ. երեխան կարող է հավելյալ քրոմոսոմով ծնվել լիովին պատահաբար:

Հայաստանում առանց ծնողական խնամքի մնացած «արևային» փոքրիկներն ընդամենը մեկ բնակավայր են ունենում՝ ծննդատնից տեղափոխվելով Գյումրիի «Երեխաների տուն» մանկատուն: Մանկատանն այսօր 125 երեխա կա, որոնցից յուրաքանչյուրը մանկատուն հայտնվելու իր պատմությունն ունի:

7-ամյա Վարդուհու սիրած խաղալիքը փոքրիկ արջուկն է: Ձեռքերով խաղալիքը շոյելով՝ Վարդուկը քթի տակ երգ է երգում: Վարդուկը մանկատանը երկվորյակ եղբայր ունի. Վոլոդյան քիչ հեռու ճոճարանի վրա ճոճվում է՝ քրոջ պես ինչ-որ երգ երգելով: Ուշադիր լսելիս պարզ է դառնում՝ Բեթիի «Արևի մարդիկ» երգն է: Չժպտալ անհնար էր. ճիշտ է՝ երկվորյակները դաունի համախտանիշ չունեն, ունեն մանկակական ուղեղային կաթված, սակայն պակաս արևի մարդուկներ չեն:

Մանկատան աշխատակիցները պատմում են՝ Վարդուհին և Վոլոդյան մանկատան հազվագյուտ փոքրիկներից են, որոնք լիովին մոռացված չեն ծնողների կողմից. «Ծնողներն իրենց մյուս երեխաների հետ կեստարին մեկ այցելում են երեխաներին: Ասում են՝ մայրը երվորյակներին սպասելիս էլեկտրահարվել է…»:

125 երեխաները ծնվել են Հայաստանի տարբեր մարզերում, տարբեր հիվանդանոցներում, տարբեր մտավոր և ֆիզիկական հաշմանդամություններով, բայց ունեն մեկ ընդհանուր տուն, որ իրենց պատվին կոչվում է «Երեխաների տուն», և ունեն ընդհանուր առօրյա: Հաշմանդամության տեսակների ճնշող մեծամասնությունն անհնար է վերացնել, սակայն վերականգնողական բուժումը փոքրիկների համար անհրաժեշտություն է: «Հայաստան» համահայկական հիմնադրամի աշխատակիցներին լավ ճանաչում են ոչ միայն Տան մանկավարժները, դայակները, հոգեբանները, այլև հենց իրենք՝ փոքրիկները: Նրանք տեսնում են այցելության վերին շերտը՝ ուրախանալով, որ հյուրեր ունեն, իսկ մեծահասակների ուրախությունն ավելի փաստարկված է. Հիմնադրամի աշխատակիցների յուրաքանչյուր այցելությամբ մանկատունը փոքրիկների համար ավելի հարմարավետ և մասնագիտացված է դառնում:

Այսօր մանկատունն ունի բարենորոգված շենքեր, վերակառուցված խաղահրապարակ, թերապևտիկ նշանակության լողավազան, բուժլաբորատորիա, ախտորոշիչ սենյակ, նորագույն կարգավորումներով քայլակներ, սայլակներ, մկանները մարզող և մարսող սարքեր, օրթոպեդիկ բարձեր, ֆիքսատորներ, հարմարեցված սպասք: Այս ամենը տարիների ընթացքում ամբողջ աշխարհի հայերի կողմից ստացված հանգանակությունների և «Հայաստան» համահայկական հիմնադրամի ուղղորդված աշխատանքների արդյունք է:

Ծնողական խնամքից զրկված արևե փոքրիկներին երկու բան է անհրաժեշտ՝ սեր և հարմարեցվածություն: Եվ եթե մանուկներն իրենց հարմարեցված պայմանների մասին մշտական հոգատարներ ունեն, միաժամանակ ստանում են երկու անհրաժեշտություններն էլ…
Նկարներ

Այլ Նորություններ

2017-11-23
Արի Հիմնադրամ՝ Հեռուստամարաթոնը նշելու

2017-11-21
Դո, ռե, մի․․․ Չայկովսկու երաժշտական դպրոցում լսվում են նոր դաշնամուրների հնչյունները

2017-11-20
Եվրոպայի հայերը 1,23 միլիոն եվրո գումար կներդնեն Հեռուստամարաթոն 2017-ին

2017-11-16
Բրազիլահայերը 48000 ԱՄՆ դոլարի կներդնեն Հեռուստամարաթոն 2017-ին

2017-11-13
Գյումրու «Երեխաների տուն» մանկատունը միկրոավտոբուս ունեցավ

2017-11-13
Մխիթարյանի ֆուտբոլային շապիկը Կանադայում վաճառվել է 20 հազար ԱՄՆ դոլարով․ կանադահայերը 530 հազար ԱՄՆ դոլար կնվիրաբերեն Հիմնադրամին

2017-11-10
20 համակարգիչ՝ ինֆորմատիկայի քոլեջին

2017-11-09
Ամերիկացի պաշտոնյաները կոչ են անում միանալ «Հայաստան» համահայկական հիմնադրամի հեռուստամարաթոնին

2017-11-01
700 000 նվիրատու ամբողջ աշխարհում. բարերների համար Հիմնադրամն ամենավստահելի կառույցներից մեկն է

2017-10-23
Վարորդ Արամ․ «Գիտե՞ս՝ մենա՞կ քշել գիտենք․ 25 տարի աշխատելիս հա՛մ լուսանկարիչ ենք դարձել, հա՛մ օպերատոր, հա՛մ ծրագիր անող․․․»
#Հիմնադրամցիներ

մշակված է