|
In Armenianհայ
|
Adopt a Project
Donors
Applicants
Մամլո հաղորդագրություններ
Հայտարարություններ
Լուրերի արխիվ
Ակնարկ
Տեսանյութեր

Search News

Որոնում
Ամիս
Տարի
ՆՈՐՈՒԹՅՈՒՆՆԵՐ Մամլո հաղորդագրություններ Քարին տակն արդեն նոր մանկապարտեզ ունի
2017-07-10
Քարին տակն արդեն նոր մանկապարտեզ ունի
Գորշ և խրոխտ ժայռի անմիջապես ներքևում Քարին տակ գյուղն է: Քարինտակցիներն ասում են` թեև իրենց գյուղը ժայռի` քարի պատվին է կոչվում, այնուամենայնիվ 25 տարի առաջ արցախյան գոյամարտի ժամանակ անգամ բարձր ժայռը չէր պաշտպանում ադրբեջանական զորքի կրակոցներից:

Արցախյան պատերազմում խոշոր կորուստներ տված գյուղն այսօր վերածնվում է Սփյուռքի, Արցախի կառավարության և «Հայաստան» համահայկական հիմնադրամի հոգածության շնորհիվ: Արգենտինահայ բարերարների շնորհիվ 2010թ.-ից համայնքը զարգանում և բարգավաճում է. այսօր Քարին տակում կա համայնքային կենտրոն` գյուղապետարանով, բուժկետով, մշակույթի տնով, գրադարանով, վերանորոգվել է գյուղի ջրամակատակարարման համակարգը, կառուցվել է սպորտդահլիճ և դպրոցական հանդիսությունների սրահ:

Արգենտինահայերի ֆինանսավորմամբ չորրորդ խոշոր ծրագիրը գյուղի նոր մանկապարտեզի կառուցումն էր: «Հայաստան» համահայկական հիմնադրամի Հունաստանի և Կիպրոսի տեղական մարմինների, Արցախի կառավարության և արգենտինահայ բարերարների համատեղ գործակցության շնորհիվ գյուղի 42 փոքրիկները իսպառ կմոռանան Խորրհդային վաղ տարիներին` 1930-ականներին կառուցված անբարեկարգ հին մանկապարտեզի մասին:

Մանկապարտեզը հանդիսությամբ բացվեց հուլիսի 10-ին: Բացմանը ներկա և ողջույնի խոսք ասող արգենտինահայ բարերարներ Դեվեճիէան, Էքսերճիան և Շիմշիրօղլու ընտանիքներն ասում են` իրենք են համայնքին և Արցախի կառավարությանն առաջարկել գյուղում մանկապարտեզ կառուցել: «Գյուղում արդեն լուծվել էր կարևոր նշանակության և ժամանցի վայրերի, ջրի խնդիրը, բայց կար անբարեկարգ մանկապարտեզ: Մենք հուսով ենք, որ այս մանկապարտեզում քարինտակցի երեխաները, որոնք բոլորը պատերազմին մասնակցած հայրեր և պապիկներ ունեն, էլ ավելի կկապվեն իրենց հողին և կպաշտպանեն Արցախը», - նշեց բարերար Նշան Դեվեճիէանը:

Քարին տակի մանկապարտեզը «Հայաստան» համահայկական հիմնադրամի շինարար Հակոբ Գյուլգյուլյանի 96-րդ հանձնած կառույցն է: Կատակում է` մի քիչ չհերիքեց խորհրդանշական 100-ի համար: Մանկապարտեզը նախագծվել է երեխաներին համապարփակ հարմարություն ապահովելու համար: Մանկապարտեզում մի քանի խոշոր սրահ կա, ննջասենյակներ, ճաշարան, խոհանոց, սանհանգույցներ և այլն: Ամբողջովին գույքով, աքսեսուարներով և խաղալիքներով լի` մանկապարտեզը պաշտոնապես բացվում է և տրամադրվում տնօրեն Մանուշ Պետրոսյանի հոգածությանը:

660 բնակիչ ունեցող և ինչպես իրենք` գյուղացիներն են ասում, «արտահոսք» չունեցող Քարին տակի կենտրոնը` գյուղամեջը, այսօրվանից տեղափոխվում է` տեղակայվելով բարեկարգ համայնքային կենտրոնի և նորակառույց մանկապարտեզի շուրջ` գտնվելով նույն խրոխտ ժայռի` քարին տակ:
Նկարներ

Այլ Նորություններ

2008-11-18
“Հայաստան” համահայկական հիմնադրամի համաեվրոպական “Հեռախոսամարաթոն-2008”-ի նախնական արդյունքը 1 200 000 եվրո է
Ֆրանսիայում կայացած հեռախոսամարաթոնի արդյունքում հայտարարել է 1 200 000 եվրո (շուրջ 1,5 միլիոն ԱՄՆ դոլար) նվիրատվությունների մասին

2008-11-12
ՙՀայաստան՚ համահայկական հիմնադրամը ծրագրեր է սկսում Լոռու մարզի սահմանամերձ գյուղերում
ՙՀայաստան՚ համահայկական հիմնադրամն ազդարարում է Լոռու մարզի Ապավեն եւ Ձորամուտ համայնքներում խմելու ջրի ցանցերի վերակառուցման ծրագրերի մեկնարկը:

2008-11-04
"Հայաստան" համահայկական հիմնադրամը ազդարարում է Տավուշի մարզի Ակնաղբյուր գյուղում երկու ծրագրերի մեկնարկը
"Հայաստան" համահայկական հիմնադրամն ուրախ է տեղեկացնել Տավուշի մարզի Ակնաղբյուր գյուղում երկու նախաձեռնությունների զուգահեռ մեկնարկի մասին:

2008-11-04
”Հայաստան” համահայկական հիմնադրամի երեւանյան դրամահավաք-ճաշկերույթի արդյունքում հայտարարվեց ավելի քան 30 միլիոն ԱՄՆ դոլարի նվիրատվություն
Նոյմբերի 1-ին Երեւանում կայացավ հանդիսավոր դրամահավաք - ճաշկերույթ` նվիրված ”Հայաստան” համահայկական հիմնադրամի ”Հեռուստամարաթոն 2008”-ին

2008-10-25
ՙՀայաստան՚ համահայկական հիմնադրամը շարունակում է աջակցությունը Երեւանի թիվ 1 տուն-ինտերնատին
ՙՀայաստան՚ համահայկական հիմնադրամը, շարունակելով աջակցել տուն-ինտերնատին, հոկտեմբերի 23-ին սոցիալական օգնության շրջանակներում 220 ծածկոց տրամադրեց ինտերնատի բնակիչներին:

2008-10-24
ՙՀայաստան՚ համահայկական հիմնադրամը ազդարարում է Տավուշի մարզի երկու սահմանամերձ գյուղերի գազամատակարարման ծրագրերի մեկնարկը
ՙՀայաստան՚ համահայկական հիմնադրամն իր ՙԳյուղերի զարգացման ծրագրի՚ շրջանակներում երկու գազամատակարարման ծրագիր է նախաձեռնել Տավուշի մարզի Խաշթառակ ու Լուսահովիտ գյուղերում:

2008-10-21
ՙՀայաստան՚ համահայկական հիմնադրամը երկու նոր ծրագիր է սկսում Տավուշի մարզի Դիտավան գյուղում
ՙՀայաստան՚ համահայկական հիմնադրամը շարունակում է իր առաքելությունը Հայաստանի սահմանամերձ գյուղերում, որոնք այսօր կանգնած են բազմաթիվ ենթակառուցվածքային եւ տնտեսական մարտահրավերների առջեւ:

2008-10-15
Մեկնարկեց ՙՀայաստան՚ համահայկական հիմնադրամի եւ ՙՀայփոստ՚-ի համատեղ նոր ձեռնարկը
ՙՀայաստան՚ համահայկական հիմնադրամը եւ ՙՀայփոստ՚ ՓԲԸ-ն սկսել են իրականացնել բարեգործական դրամահավաք` ՙՀեռուստամարաթոն 2008՚-ին ընդառաջ: Համատեղ դրամահավաքի քարոզարշավը պաշտոնպես մեկնարկեց այսօր` ՙՀամագ

2008-10-13
Երեւանի ՙՍիրահարների զբոսայգին՚ բացում է իր դռները
ՙՀայաստան՚ համահայկական հիմնադրամը հայտարարում է Երեւանի ՙՍիրահարների՚ զբոսայգու բացումը հոկտեմբերի 17-ին ժամը 13-ին: Սկսած հոկտեմբերի 18-ից` զբոսայգին կհյուրընկալի բոլոր այցելուներին:

2008-10-10
ՙՀայաստան՚ համահայկական հիմնադրամի նոր ծրագրերն Արցախում եւ Հայաստանում
ՙՀայաստան՚ համահայկական հիմնադրամը գյուղերի զարգացման ծրագրի շրջանակներում սկսում է իրականացնել նոր ծրագրեր Արցախի եւ Հայաստանի գյուղական համայնքներում:

մշակված է