|
In Armenianհայ
|
Adopt a Project
Donors
Applicants
Մամլո հաղորդագրություններ
Հայտարարություններ
Լուրերի արխիվ
Ակնարկ
Տեսանյութեր

Search News

Որոնում
Ամիս
Տարի
ՆՈՐՈՒԹՅՈՒՆՆԵՐ Մամլո հաղորդագրություններ Արգենտինահայերի ֆինանսավորմամբ Տավուշում բացվեց 100-րդ ջերմոցը
2017-07-12
Արգենտինահայերի ֆինանսավորմամբ Տավուշում բացվեց 100-րդ ջերմոցը
Տավուշի Դիտավան գյուղում դժվարարտասանելի Էքսերճիէան ազգանունը վարժ գիտեն անգամ մանուկները. 2007-ին արգենտինահայ բարերար Արմեն և Նատիա Էքսերճիէնները սկսեցին համապարփակ կերպով աջակցել գյուղին։ Դիտավանն այսօր ունի բարեկարգ դպրոց, համայնքային կենտրոն, ջրամատակարարման համակարգ։ Դիտավանին բաժին հասավ նաև Տավուշի մարզի 11 գյուղում արգենտինահայ բարերարների ֆինանսավորմամբ կառուցված ջերմոցներից 100-րդը։

Հուլիսի 12-ին արգենտինահայ բարերարներ Էքսերճիէան, Դեվեճիէան, Շիմշիրօղլու ընտանիքների, «Հայաստան» համահայկական հիմնադրամի ներկայացուցիչների, Հիմնադրամի Արգենտինայի տեղական մարմնի ներկայացուցիչների ներկայությամբ կայացավ 100-րդ ջերմոցի բացումը։ Ինչպես և ջերմոցներից յուրաքանչյուրը, այդպես էլ 100-րդը նվիրվեց մեկ ընտանիքի։

Ջերմոցի շահառու Մարինե Մեսրոպյանի ընտանիքը բաղկացած է հինգ անդամից։ Ընտանիքը ջերմոցը նվեր ստանալուն զուգահեռ հողագործության դասընթացներ է անցել «ստաժավոր» ջերմոցապահների՝ այն ընտանիքների մոտ, որոնք իրենց ջերմոցը գործարկում են արդեն երրորդ տարին։ Բացման արարողությանը արգենտինահայ բարերար Պողոս Էքսերճիէանը շեշտեց, որ թեև բացմանը ներկա են մի քանի արգենտինահայ ընտանիքներ միայն, սակայն Արգենտինայի ամբողջ հայ համայնքն է խոշոր նվիրատվություններ արել Տավուշի մարզի ընտանիքների համար կայուն եկամուտի հնարավորություն ապահովելու համար։

«Հայաստան» համահայկական հիմնադրամն իր արգենտինահայ բարերարների ֆինանսավորմամբ կյանքի է կոչել 100քմ մակերեսով, մետաղյա կառուցվածքով և բարձրորակ ծածկով 100 ջերմոցների ծրագիրը Տավուշի Դիտավան, Ոսկեվան, Արծվաբերդ, Կոթի, Ներքին Ծաղկավան, Բերդավան, Այգեհովիտ, Կողբ, Զորական, Կիրանց համայնքներում։ Յուրաքանչյուր ջերմոց արժեցել է 5500 ԱՄՆ դոլար։ Ջերմոցների արդյունավետ շահագործման նպատակով նախնական փուլում գյուղացիներին նվիրաբերվում են սածիլներ և տրամադրվում է անվճար խորհրդատվություն։
Նկարներ

Այլ Նորություններ

2010-11-15
Նոյեմբերի 11-ին եւ 12-ին Արգենտինայում անցկացվեց դրամահավաք-հեռախոսամարաթոն. Համաեվրոպական հեռախոսամարաթոնը կանցկացվի նոյեմբերի 18-ից 21-ը Փարիզում

2010-11-11
Հայկական Բարեգործական Ընդհանուր Միությունը դիմում է իր անդամներին և բարեկամներին "Հայաստան" համահայկական հիմնադրամի նոյեմբերի 25-ի հեռուստամարաթոնին աջակցելու կոչով

2010-11-08
Իրանահայ համայնքը վերականգնում է Նռնաձոր համայնքը

2010-10-28
"Նախագահի մրցանակի" 10-ամյակի առթիվ կազմակերպվել է ցուցահանդես-վաճառք
Ցուցահանդեսում ներկայացված են Նախագահի մրցանակի կերպարվեստի ոլորտի դափնեկիրների աշխատանքները

2010-10-19
ՀՅԴ-ն կոչ է անում ակտիվորեն մասնակցել «Հայաստան» համահայկական հիմնադրամի դրամահավաքին

2010-10-18
"Հայաստան" հիմնադրամի Ֆրանսիայի տեղական մարմնի ֆինանսավորմամբ Գորիսում կառուցվել է սրտաբանական կենտրոն

2010-10-11
"Հայաստան" համահայկական հիմնադրամը շահագործման է հանձնում Նոյեմբերյանի քաղաքային հիվանդանոցը
Հովանավորներն են Գերմանիայի, Շվեյցարիայի, Ավստրալիայի եւ Լիբանանի տեղական մարմինները եւ Լիբանանի վարչապետը

2010-10-01
Հիմնադրամի Հունաստանի տեղական մարմնի առաջին գալա-ճաշկերույթը

2010-09-30
Հեռուստամարաթոն 2010-ի գլխավոր հովանավորը ՎիվաՍել-ՄՏՍ-ն է
5 տարի շարունակ ՎիվաՍԵլ-ՄՏՍ-ը հանդես է գալիս որպես հեռուստամարաթոնի հովանավոր

2010-09-18
“Հայաստան” համահայկական հիմնադրամի Մոնրեալի տեղական մարմնի միջոցներով վերանորոգվել է Աբովյան քաղաքի ծննդատունը

մշակված է