|
In Armenianհայ
|
Adopt a Project
Donors
Applicants
Հայաստանի ծրագրեր
Արցախի ծրագրեր
Ընթացիկ ծրագրեր


Ըստ ոլորտի

Ըստ տարածաշրջանի
Ըստ կարգավիճակի
Ըստ հովանավորի
  |  Ընդարձակ »
ԾՐԱԳՐԵՐ


Իր գործունեության ընթացքում "Հայաստան" համահայկական հիմնադրամը մշակել ու ձեռնարկել է բազմազան ծրագրեր: Ծրագրերի ուղղությունները քննարկում և հաստատում է Հիմնադրամի Հոգաբարձուների խորհուրդը: Ռազմավարական այս ծրագրերն ընդգրկում են Հայաստանում և Արցախում առկա հրատապ խնդիրները, որոնց լուծումն իրապես պահանջում է համահայկական մասնակցություն: Խոշորածավալ այս ծրագրերի հետ մեկտեղ Հիմնադրամն իրականացնում է նաև տարբեր նպատակային ծրագրեր, որոնք առաջարկվում են անհատ բարերարների կոմղից: Նմանօրինակ ծրագրեր են իրագործվում տարբեր ոլորտներում` կրթությունից մինչև շինարարություն և հումանիտար օգնություն: Ինչպիսին էլ լինի ծրագիրը, Հիմնադրամը, որպես կայուն ու արդյունավետ աշխատող կառույց, կյանքի կկոչի այն:

Իր գործունեության ողջ ընթացքում Հիմնադրամի աշխատանքը եղել է ուժեղ, պահանջկոտ և չափազանց գնահատելի, այն միշտ ձգտել է բարեկեցիկ կյանք ստեղծել Հայաստանի ու Արցախի մեր հայրենակիցների համար: Մենք դեռ երկար ու դժվարին ճանապարհ ունենք անցնելու, սակայն շնորհիվ յուրաքանչյուր հայի, ով անտարբեր չէ կարիքի մեջ գտնվող իր հայրենակցի նկատմամբ ու ձեռք է մեկնում նրան, մենք դրական փոփոխություններ ենք արձանագրում: Ահա այդ փոփոխությունները թվերով`

Կառուցվել է ավելի քան
489 կմ ճանապարհ Հայաստանում և Արցախում
517 կմ ջրագիծ ու ջրամատակարարման համակարգ
144 կմ գազատար
70 կմ էլեկտրական հոսանքի գիծ

Կառուցվել, վերակառուցվել ու կահավորվել է
334 դպրոց ու մանկապարտեզ

Կառուցվել ու վերակառուցվել է
424 տուն ու բնակարան
70 առողջապահական հաստատություն
53 սպորտային ու մշակութային կենտրոն

Իրականացվել է ավելի քան
159 կրթական, մշակութային ու գիտական ծրագիր

և ավելին:

Այսօրվա դրությամբ Հայաստանում ու Արցախում իրագործված ծրագրերի ընդհանուր գումարը կազմում է ավելի քան 235,800,000 ԱՄՆ դոլար: Սակայն, եթե հնարավոր է հաշվել ավարտված ծրագրերը ու դրանց իրականացման համար օգտագործված գումարները, աշխատատեղերը, որ բացվել են այդ ծրագրերի շնորհիվ, համայնքները, որ հետզհետե զարգանում են, ապա չենք կարող հաշվել այն մարդկանց, ում կյանքը փոխվել է շնորհիվ նոր ճանապարհի, նոր դպրոցի և օգնության, որի կարիքը նրանք խիստ ունեն:
մշակված է