Խորհուրդը հրավիրում է տարեկան ժողովներ, որին մասնակցում են հոգաբարձուները, տեղական մարմինները և գործադիր վարչությունը: Ժողովը նախագահում է ՀՀ նախագահը: Ժողովի ընթացքում մասնակիցներին ներկայացվում են տարվա ընթացքում իրականացված ծրագրերը, ֆինանսական հաշվետվությունը, վերստուգիչ հանձնաժողովի հաշվետվությունը և միջազգային աուդիտորական ընկերության եզրակացությունը: Հաշվետվությունները ներկայացնում են գործադիր տնօրենն ու տեղական մարմինների ներկայացուցիչները:
Խորհուրդը քննարկման է դնում և հաստատում հաջորդ տարվա համար նախատեսված ծրագրերը, ինչպես նաև համապատասխան որոշումներ կայացնում դրանց իրականացման վերաբերյալ: Հեռուստամարաթոններում հավաքված նվիրատվություններն ուղղվում են հոգաբարձուների խորհրդի ամենամյա նիստերում հաստատված խոշորածավալ ռազմավարական ծրագրերի իրագործմանը: