|
In Armenianհայ
|
Adopt a Project
Donors
Applicants
Մամլո հաղորդագրություններ
Հայտարարություններ
Լուրերի արխիվ
Ակնարկ
Տեսանյութեր

Search News

Որոնում
Ամիս
Տարի
ՆՈՐՈՒԹՅՈՒՆՆԵՐ Մամլո հաղորդագրություններ Հետազոտությունների նոր և գերժամանակակից հարթակ ԵՊՀ-ում
2017-06-19
Հետազոտությունների նոր և գերժամանակակից հարթակ ԵՊՀ-ում
Ամառային արձակուրդներից վերադարձող ապագա կենսաբանները հետազոտությունների նոր և գերժամանակակից հարթակ կունենան. հունիսի 17-ին Երևանի պետական համալսարանի կենսաբանության ֆակուլտետի գենետիկայի և բջջաբանության ամբիոնում բացվեց մոլեկուլային գենետիկայի լաբորատորիա: Լաբորատորիան հագեցած է նորագույն սարքավորումներով, որոնցից մեկի շնորհիվ կարելի է չափել արյան ԴՆԹ-ի խտությունը, հայտնաբերել դրանում մուտացիաներ, բազմացնել նմուշը: Մեկ այլ սարքավորում թույլ է տալիս ուսումնասիրել բույսերի գենետիկան, բացահայտել բույսերի կայունությունը տարբեր հիվանդությունների նկատմամբ:

Լաբորատորիան կրելու է հայտնի ֆրանսահայ կենսաբան, անցյալ տարի կյանքից հեռացած դոկտոր Քրիստոֆ Թերզյանի անունը: Լաբորատորիայի բացումը հնարավոր է դարձել «Հայաստան» համահայկական հիմնադրամի ֆինանսավորման շնորհիվ. մոտ 26 միլիոն դրամ տրամադրել է հիմնադրամի Ֆրանսիայի տեղական մարմնի բարերար Ժակլին Թերզյանը՝ Քրիստոֆ Թերզյանի մայրը:

Թերզյանի մայրը և դուստրերը լաբորատորիայի բացման համար ժամանել էին Ֆրանսիայից: Զգացմունքների արտահայտման մեջ զուսպ Ժակլին Թերզյանը՝ Քրիստոֆ Թերզյանի մայրը, նշանավորում է լաբորատորիայի բացումը՝ կտրելով կարմիր ժապավենը: Թերզյանի դուստրերը՝ Լյուսի և Լուէն Թերզյանները, հայտնում են իրենց ուրախությունը՝ հայրիկի գործի շարունակականության առթիվ:

Ֆակուլտետի գենետիկայի և բջջաբանության ամբիոնի վարիչ Ռուբեն Հարությունյանը պատմում է. «Երբ 90-ականներին Քրիստոֆ Թերզյանը գալիս էր Հայաստան՝ դասախոսություններ կարդալու, երազում էր ժամանակակից լաբորատորիայի և Հայաստանում զարգացած գենետիկայի մասին»:

Այժմ մեծ գիտնականի երազանքը իրականացման ճանապարհին է: Միջոցառմանը ներկա բժշկական գենետիկայի և առողջության առաջնային պահպանման կենտրոնի գենետիկ, գիտաշխատող Թամարա Սարգսյանը ձեռքին պահում է մեկ տասնամյակի վաղեմության նկար. պատկերվածների մեջ ինքն է և դոկտոր Թերզյանը: Թամարա Սարգսյանն ասում է. «Հայաստանը գենետիկայի ուղղությամբ մասնագիտացված կենտրոն դժվար թե ունենար, եթե տարիներ շարունակ չստանար ֆրանսահայ կենսաբանի աջակցությունն ու ֆինանսավորումը»:

«Հայաստան» համահայկական հիմնադրամի ծրագրերի և արտաքին կապերի բաժնի պետ Վարդան Փարթամյանը ծրագրի մասին խոսելիս պատմում է. «Անմիջապես ընդառաջել ենք բարերար Ժակլին Թերզյանի հայտնած ցանկությանը, այն է՝ որդու գործը շարունակող լաբորատորիա բացել Երևանի պետական համալսարանում»: Փարթամյանը նշում է՝ լաբորատորիայի վրա ծախսվել է 26 միլիոն դրամ, որից 24 միլիոն դրամը Հայաստանում նմանը չունեցող սարքավորումների ձեռք բերման, իսկ 2 միլիոնը՝ լաբորատորիայի վերանորոգման և կահավորման վրա:
Նկարներ

Այլ Նորություններ

2017-10-02
Գյումրիի դոմիկներում ապրող 31-րդ ընտանիքը տուն ստացավ

2017-09-29
Անվճար վիրահատություններ և բուժում Նոյեմբերյանում՝ ամերիկացի բժիշկների կողմից

2017-09-28
Խաչարձանցի երիտասարդները արգենտինահայերի հետ քննարկեցին գյուղի ապագան

2017-09-27
Արցախի Նորագյուղում մանկապարտեզ բացվեց

2017-09-15
Խաղի միջոցով ուսման վարձավճար հաղթելու աննախադեպ միջոց՝ #CampՏեղ

2017-09-11
Սոսում նոր դպրոց և մարզադահլիճ բացվեցին

2017-09-05
Խաչարձանում ևս մեկ ընտանիք ջերմոց ստացավ

2017-09-04
Գրենական պիտույքներ՝ Խաչարձանի երեխաներին

2017-09-01
Վարդենիս-Մարտակերտ ճանապարհը պաշտոնապես բացվեց

2017-08-29
Եղիցի տուն․ ևս մեկ տանիք՝ ևս մեկ ընտանիքի

մշակված է