|
In Armenianհայ
|
Adopt a Project
Donors
Applicants
Մամլո հաղորդագրություններ
Հայտարարություններ
Լուրերի արխիվ
Ակնարկ
Տեսանյութեր

Search News

Որոնում
Ամիս
Տարի
ՆՈՐՈՒԹՅՈՒՆՆԵՐ Մամլո հաղորդագրություններ Խաչարձանում ևս մեկ ընտանիք ջերմոց ստացավ
2017-09-05
Խաչարձանում ևս մեկ ընտանիք ջերմոց ստացավ
«Հայաստան» համահայկական հիմնադրամը Տավուշի մարզի Խաչարձան գյուղում շարունակում է ջերմոցներ կառուցել և վիճակահանության սկզբունքով նվիրաբերել Խաչարձանի բնակիչներին: Վերջին երկու տարվա ընթացքում գյուղում կառուցվել է չորս ջերմոց «Հայաստան» համահայկական հիմնադրամի Ավստրալիայի հանձնախմբի և երկու ջերմոց՝ արգենտինահայ Կալչիյան, Ավագյան և Թերզյան ընտանիքների ֆինանսավորմամբ:
Ամռան վերջին օրը արգենտինահայ բարերարներ Կալչիյան և Ավագյան ընտանիքների ներկայությամբ Խաչարձանի չորս ընտանիքներ մասնակցեցին մեկ ջերմոց ստանալու վիճակահանությանը։ Վիճակահանության արդյունքում պատահականության սկզբունքով ընտրվեց ջերմոց ստացած ընտանիքը։ Խաչարձանցի Կարինե Մկրտչյանը «ջերմոց» գրառումը պարունակող թերթիկը սեղմելով սրտին՝ ասաց, որ նախատեսում է լոլիկ, բիբար և բադրիջան աճեցնել, «ինչպես ջերմոց արդեն ստացած հարևանները»։
Ջերմոցներից յուրաքանչյուրը տրվում է խաչարձանցի մեկ ընտանիքի։ Մեկ ջերմոցի ընդհանուր մակերեսը 1000 քառակուսի մետր է, ջերմոցն աշխատում է կաթիլային ոռոգման համակարգով: Ջերմոցի հետ միասին խաչարձանցիները նվեր են ստանում նաև սածիլներ և սերմացու:
Խաչարձան գյուղի ներկայիս մոտ 400 բնակիչները 1988թ-ին Ադրբեջանի Ղազախի շրջանից բռնագաղթվածներն են և նրանց ժառանգները: Հիմնադրման օրվանից «Հայաստան» համահայկական հիմնադրամն իր ուշադրության կենտրոնում է պահում Ադրբեջանից բռնագաղթված և Հայաստանում վերաբնակեցված համայնքները, այդ թվում նաև Խաչարձանը: Վերջին տարիներին Հիմնադրամի աջակցությամբ գյուղում կառուցվել է բուժկետ, սպորտհամալիր և հանդիսությունների սրահ, վերակառուցվել է գյուղի դպրոցը, հիմնվել են մի քանի տասնյակ փեթակներ, ինչպես նաև դպրոցին տրամադրվել է ավտոբուս:
Նկարներ

Այլ Նորություններ

2017-11-13
Գյումրու «Երեխաների տուն» մանկատունը միկրոավտոբուս ունեցավ

2017-11-10
20 համակարգիչ՝ ինֆորմատիկայի քոլեջին

2017-11-09
Ամերիկացի պաշտոնյաները կոչ են անում միանալ «Հայաստան» համահայկական հիմնադրամի հեռուստամարաթոնին

2017-11-01
700 000 նվիրատու ամբողջ աշխարհում. բարերների համար Հիմնադրամն ամենավստահելի կառույցներից մեկն է

2017-10-23
Վարորդ Արամ․ «Գիտե՞ս՝ մենա՞կ քշել գիտենք․ 25 տարի աշխատելիս հա՛մ լուսանկարիչ ենք դարձել, հա՛մ օպերատոր, հա՛մ ծրագիր անող․․․»
#Հիմնադրամցիներ

2017-10-22
Մեկ դպրոցի կառուցում, երկուսի կահավորում Արցախի Քաշաթաղի շրջանում

2017-10-02
Գյումրիի դոմիկներում ապրող 31-րդ ընտանիքը տուն ստացավ

2017-09-29
Անվճար վիրահատություններ և բուժում Նոյեմբերյանում՝ ամերիկացի բժիշկների կողմից

2017-09-28
Խաչարձանցի երիտասարդները արգենտինահայերի հետ քննարկեցին գյուղի ապագան

2017-09-27
Արցախի Նորագյուղում մանկապարտեզ բացվեց

մշակված է